УВЕР ЙОГЫН

«Чодыран моторлыкшо»

«Российысе чодырам аралыме рӱдер» Экологий идалыкым эртарыме кышкарыште « Чодыран моторлыкшо» йоча сӱрет конкурсым увертарен.

Тушко 4 -14 икшыве-влак тушко ушнен кертыт. Сӱретым 30 апрель марте колташ лиеш. Марий Элыште конкурслан «Марий Элысе чодырам аралыме рӱдер» вуйын шога. Тудо Йошкар-Оласе Комсомольский уремын 83-шо №-ан пӧртыштыжӧ вераҥын. Тушкак чыла пашам намийыман але электрон почтыш  czlrme@rcfh.ru адрес дене колтыман. «Красота леса» конкурсыш манын ончыкташ ида мондо.

Марий Элыште конкурсым 2-19 май гутлаште иктешлат, а Российы кӱкшытыштӧ 22-26 майыште. Конкурсын лектышыже дене «Рослесзащита» ФБУ-н www.rcfh.ru сайтыштыже пален налаш лиеш. Сеҥыше-влакым диплом да шарнымашан пӧлек дене палемдат.

С.Носова.

«Мемнан историйна»

Российысе Образований да науко министерствын 10-17 ияш тунемше-влаклан увертарыме вес конкурс «Мемнан историйна» маналтеш.

Тудо Россий  Федерацийын Федеральный Собранийжын Федераций Советшын эртарыме «Урок современной истории России» образовательный проект кышкарыштыже эртаралтеш. Конкурсыш ушнаш шонышо-влак кызытсе Российын историйжылан пӧлеклалтше эссем, сӱретым, видеофильмым колтен кертыт.  Конкурсын положенийже дене мемнан республикысе образовательный порталыште палыме лияш йӧн уло: (http://edu.mari.ru).

Конкурсын финалже 7-9 майыште Москваште эртышаш. Сеҥыше-влаклан  «Артек» йоча рӱдерын профильный сменышкыже путёвкым кучыктат.  тыгак 9 майлан пӧлеклалтше Москваште пайрем мероприятийлаште участвоватлаш йӧным пуат. Конкурсышто участвоватлаш йодмашым nashaistorija@yandex.ru электрон почтыш колтыман. ​

С.Носова.

 

Опубликовать в Одноклассники