Шернур кундем гыч мотор ӱдыр Полина Петухова кучедалмашын ик видше дене вийжым терга, тӱнямбал кӱкшытыштє икымше верым налеш. Тудын чытымашыжлан ӧраш гына кодеш. Палаш оҥай: кызыт тудо кушто да могай сеҥымашке шуын?
М.Назарова.
Кужэҥер район.
Полина Петухова – кикбоксинг дене тӱнямбал первенствын кок гана сеҥышыже да тӱнямбал кӱкшытан Бриллиантовый кубокын озаже. Тудо тыгак шкенжым профессионал боксышто терга. Вич гана тӱнямбал кубокын озаже, тӱнямбал кӱкшытан Bestfighter кубокын кок гана сеҥышыже лийын. Кызытат кыртмен ямдылалтеш. Шкенжын палемдымыж почеш, тудлан ты вид келша, тӱрлӧ кӱкшытан турнирыште вийжым терга, сай результатым ончыкта.
Эртыше кечылаште Чехийыште кикбоксинг дене тўнямбал кўкшытан Гран-приште (WAKO) таҥасен, кубокын озаже лийын. Сай результатыш шумыжлан, таҥасымашке миен толмыжлан тренерже Сергей Шабердинлан, «Медик» медицине клиникылан таум ышта.
Полина кызыт Чебоксарыште тунемеш, ты республикын, элнан чапшым арала.
Черетан вес турнирже 20 октябрьыште лиеш. Кикбоксинг дене тӱнямбал чемпионат Босний ден Герцеговиныште эрта.
Ӱдырлан тушто участвоватлашыже кумылан-влак спонсор полышым пуэн
кертыт.
Е.ЭШКИНИНА.
