Марий Элын Тазалыкым аралыме министерствыжын 3 сентябрь эрдене увертарымыж почеш, пытартыш суткаште республикнан инфекционный стационарлаж гыч 26 пациентым мӧҥгӧ колтымо, тыгодымак 42 черлым эмлалташ пыштыме. Тыге, теҥгече эрдене регионын шым эмлымверыштыже 370 еҥ киен. Ты чот гыч 363 черле «пневмоний» дене орланен, 107 пациент — COVID-19 инфекций дене. 111 черле неле состоянийыште лийын, 8 пациент шодым искусственно вентилироватлыме йӧн дене шӱлен, 156 еҥ – кислород полшымо дене. Эн шуко черле ончычсо семынак Йошкар-Оласе больницыште эмлалтеш.
«Коронавирус: статистика» сайтын 3 сентябрьысе данныйже почеш, Марий Элыште пытартыш суткаште у коронавирус инфекций дене черланыме 16 у случайым регистрироватлыме, да тиде чот ынде 4309 цифр марте шуын. 2 черле колен, пандемий пагытыште – чылаже 41 еҥ.
«Коронавирус: статистика» сайтын 3 сентябрьысе данныйже почеш, Марий Элыште пытартыш суткаште у коронавирус инфекций дене черланыме 16 у случайым регистрироватлыме, да тиде чот ынде 4309 цифр марте шуын. 2 черле колен, пандемий пагытыште – чылаже 41 еҥ.
М.ИВАНОВА
