3 февральыште Марий Элым вуйлатыше Александр Евстифеев COVID-19 деч профилактике шотан пашам эртарашлан регионын резерв фондшо гыч 20 млн. теҥгем ойырен.
Бюджет ассигнованийым республикын Тазалыкым аралыме министерствыжлан ойырымо. Тудым у коронавирус инфекцийын Марий Элыште шарлымыж деч профилактике да шижтарыме, тыгак тудын деч кодшым кораҥдыме пашам шукташ да эше шкем аралыме средствым налаш колтымо.
Марий Эл Республикым вуйлатышын организаций да
аналитике виктемжын уверже негызеш
М.ИВАНОВА ямдылен
