29 августышто Нижний Новгородышто Россий президентын ПФО-што полномочный представительже Игорь Комаровын полышкалышыже Владимир Колчин 2019-2020 ийлаште «Шӧртньӧ шайбе» йоча-юношеский хоккей турнирым эртарыме шотышто совещанийым эртарен.
Тыге йоча, студент команде-влак угыч Юл кундем полномочный представительын кубокшо верч таҥасымашке ушнат. Мутат уке, тидын деч ончыч хоккей дене турнир республик кўкшытыштӧ эрта. Варажым сеҥыше команде-влак регионысо этапышке ушнат. ПФО кӱкшытыштӧ кандаш команде модаш тӱҥалеш. Тыгай кугу да мотор спорт пайрем 2020 ий апрельыште Нижегородский область Бор олаште лиеш.
Е.ЭШКИНИНА.
