СПОРТ

ФОК чоҥалтеш

Волжский районысо Приволжский посёлкышто ФОК-ым умбакыже чоҥат. Тудо Марий Эллан 100 ийым палемдыме жаплан омсажым почшаш. Физкультурно-тазаҥдыме комплексыште паша ышталтмым республик вуйлатыше А.Евстифеев шкеак терга. Молодёжный политике, спорт да туризм министр Л.Батюковат кунам мом чоҥымым эскера.

Ты спорткомплексыште кок чашан бассейн, тӱрлӧ вид дене модшаш ик тӱжем квадрат метр кумдыкан спорт зал келыштаралтыт. Оҥай, но тыгак «кукшо иймаш» зал лийшаш. Туштыжо спортсмен-влак гребле дене нормативым сдатлаш, таҥасымашлан ямдылалташ тӱҥалыт. ФОК-ышто тыгак тренажёр зал, врачлан кабинет, вургемым алмаштен чияш вер лийыт.

Ушештарена, 29 августышто Марий Элын правительствыж ден «Газпром трансгаз Нижний Новгород» ООО Приволжский посёлкышто физкультурно-таза‰дыме комплексым чоҥен шуктышашлан оксам ойырымо нерген ойпидышеш кидым пыштеныт. Республиклан чылаже 145 миллион теҥге оксам ойыралтеш. Пелыже, манаш лиеш, 70 миллион теҥге, регионын бюджетышкыже пурен. Декабрь кыдалне ты объектым чоҥен шукташ мыняр оксам ойырымо шотышто йодыш рашемеш. Лидия Батюкован палемдымыж почеш, оралтын тепловой контуржым петырыме, окнам шындыме. Кызыт ынде объект кєргыштє пашам ышташ, газ котельныйым чоҥаш кӱлеш.  

Е.ЭШКИНИНА

Опубликовать в Одноклассники

Добавить комментарий