«Образований» национальный проектын «Кажне йочан сеҥымашыже» федерал проектше дене келшышын, Оршанке район Кугу Ӧрша школышто спортзалым олмыкташ палемдыме.
Тиде пашам муниципальный контракт почеш тений 18 майыште «Диметриус» ООО тӱҥалеш. Тыге спортзалыште кӱвар, тувраш, тылеч посна вургемым вашталтен чийыме пӧлем-шамыч уэмдалтыт. Чыла тидым ышташ 2 800 тӱжем теҥге ойыралтеш.
Олмыктымо паша 2020 ий 31 июльлан мучашлалтшаш.
Г.КОЖЕВНИКОВА
