УВЕР ЙОГЫН

У Торъял районышто «Шӱм гыч шӱмыш» акций эрта

У Торъял районышто тыгай лӱман акций тӱҥалын. Тудым Ветеран-влак ушем, тӱвыра да каныме рӱдерын автоклубшо, ял шотан илем вуйлатыше-влак иквереш эртарат. 

Але марте участник ден организатор-влак Чашка, Руш Куптӱр, Овалже, Купсола, Ӱлыл Ядыкплак, Кремленки, Петрсола яллаште, Какшанмучаш селаште лийыныт. Лишыл кечылаште Кугу Лумарийыш, Танаксолаш, Кӱанпамашыш да эше икмыняр ялыш миен толаш палемденыт.

Акцийым эртарыше-влак кажне илемыште ветеран да тылыште тыршыше, озанлык-влакын ончычсо пашаеҥышт дене вашлийыт, тургыжландарыше йодышышт нерген мутланат, районысо ветеран-влакын организацийыштын пашашт нерген каласкалат, у закон-влак дене палдарат, погынышо-шамычым концерт дене куандарат.

Акций 17 майыште тӱҥалын да июнь мучаш марте  шуйна.

Л.Камалетдинова.

Опубликовать в Одноклассники

Добавить комментарий