СОЦИАЛ ИЛЫШ

У илышлан – у йӧн

Россий Пенсий фондын мобильный приложенийыштыже пенсий удостоверенийын цифровой аналогшо лектеш.

Икмыняр ий ончыч Пенсий фонд пенсионерын удостоверенийжым пуымым чарнен ыле, молан манаш гын тудын информсистемыже у кӱкшытыш лектын да фондлан кӱлшӧ чыла уверым (информацийым) ведомство-влак кокласе электрон кыл системе гоч вигак пуаш йӧным ыштен. Россий Пенсий фонд данный-влак базышкыже пурен кертдыме айдемын пенсионер улмыжым пеҥгыдемдаш полшышо пилотный проектым ямдылен: 2019 ийыште цифровой социальный картым луктеш. Тудын полшымыж дене социально-ответственный бизнес айдемын пенсионер улмыжым ведомство-влак кокласе электрон кыл системе деч поснат рашемда. Тиде карте тыгай пашам пенсий деч ончычсо ийготан граждан-влак дене эртара, вет 2019 ий 1 январь гыч нунылан у закон дене келшыше льгото пуалтеш.

Цифровой социальный картым Россий Пенсий фондын мобильный приложенийже гоч ыштыме. Тушто гражданинын статусшым да QR код дене социальный льготыжо-влакым палемдыме.

Россий Пенсий фондын мобильный приложенийже смартфоныштат, планшетыштат яра почаш йӧршӧ, iOS ден Android платформыланат келшен толшо лиеш.

М.ИВАНОВА.

Опубликовать в Одноклассники

Добавить комментарий