УВЕР ЙОГЫН

Утларакше икте-весе коклаште шаркалыме

Роспотребнадзорын Марий Элысе виктемжын палемдымыж почеш, эртыше суткаште республикыштына у коронавирус инфекций дене черланыме 22 случайым регистрироватлыме, тышечын иктыжым ӧрдыж кундем гыч кондымо, молыжым черле-влак дене кылым кучышо-влак кокла гыч рашемдыме. Тыге, 10 апрельлан COVID-2019 дене авалталтше-влакын чотышт 63 еҥ марте кугемын.
Республикысе Гигиене да эпидемиологий рӱдерын, СПИД-рӱдерын лабораторийлаштышт у коронавирус инфекцийлан тергаш тӱҥалме жап гыч таче кече марте 7146 шымлымашым эртарыме.
Медицине велым кече еда 937 еҥым, ты шотыштак 4 йот да у коронавирус инфекций дене авалталтын кертше-влак дене кылым кучышо 732 гражданым, эскерат. Учёт гыч 1818 еҥым, ты шотыштак 49 йот гражданым, кораҥдыме.
Виктем угыч да угыч ушештара:
• кидым шовын дене чӱчкыдынрак мушса але дезинфицироватлыше средстве дене обработатлыза, поснак шуко еҥ улман верыште, аэропортышто, тӱшка транспортышто улмо годым;
• умшам, нерым да шинчам лавыран кид дене тӱкымӧ деч шекланыза;
• кид дене чӱчкыдын логалме верлам – компьютерын клавиатуржым, тӱшкан пайдаланыме оргтехникын панельжым, смартфонын экранжым, пультым, омса кылым да мойн – чӱчкыдын эрыктыза;
• ОРВИ дене черланымым шижмеке, мӧҥгӧ гыч ида лек, жапым шуйкалыде, врачым ӱжыктыза;
• врачын темлымыжым кӱлын шуктыза.
Аралыза шкендам да лишыл еҥда-влакым!

М.ИВАНОВА

Опубликовать в Одноклассники

Добавить комментарий