АКЦИЙ КОНКУРСЫ

Уремым сӧрастараш шонышо-влаклан

7 июль гыч, Россий президентын Юл кундемысе федерал округысо полномочный представительже Игорь Комаровын поро тӱҥалтышыжлан кӧра, уремысе сывыктышым вияҥдыше «ФорумАРТ» у проект илышыш шыҥдаралтеш.

Ты мероприятий уста самырык ӱдыр-рвезе-влаклан полышым пуаш, граффити дене пайдаланен кызытсе ола кумдыкым «чоҥаш» ышталтын. Тудын тӱҥ шонымашыже – у коронавирус инфекций «COVID-19» ваштареш шогымаште кажне посна айдемын кӱлешлыкше.

Фестивальыш 16-35 ияш профессионал стрит-арт художник дене пырля ты пашам йӧратыше-влакат ушнен кертыт. Тидланже  7 август марте «Formartpfo.ru» сайтыш пурен йодмашым колтыман.

Конкурсышто сеҥыше-влак шке шонымашыштым олан кумдан палыме пӧрт пырдыжыште сӱретлен кертыт. Тыгак, сымыктыш аланыште шинчымашым налаш манын, 50-100 тӱжем теҥге оксамат налаш йӧн уло.

О.МОШКИНА

Опубликовать в Одноклассники

Добавить комментарий