УВЕР ЙОГЫН

Умылаш йодыт

Медведево районысо Калыклан социальный полыш мере-влакым пуымо рӱдерыште кызыт «электрон черет» терминалыш шындыме уэмдыме версиян программный обеспеченийым шотыш кондат.
Тудын полшымыж дене граждан-влаклан специалистын приёмышкыжо ончылгоч возалташ, чыла услугым келшыше кечын да жапыште налаш йӧн лиеш. Тидыже поснак черетыште жапым йомдарен шинчыме деч каньыле.
Тыгаяк паша Йошкар-Оласе Калыклан социальный полыш мере-влакым пуымо рӱдерыште шукталтеш.
Чыла тидым шотыш налын, Марий Элын Социальный вияҥмаш министерствыже икмыняр жаплан лекше йӧндымылыкым умылаш йодеш.

М.ИВАНОВА

Опубликовать в Одноклассники

Добавить комментарий