Тӱшка калыкым авалтыше ты мер мероприятий у чодырам шындаш, тудым тор деч эрыкташ, ола ден яллам ужарташ, экологий тематике дене просветительский пашам эртараш тӱҥалаш кумылаҥда. Кажне ийын акцийыш утларак еҥ ушна.
Марий Элыште чодырам шындыме паша 21 сентябрьыште тӱҥалаш да 31 октябрьыште мучашлаш палемдыме. Кундемнан ужар поянлыкышым кугемден толмо пашаш ушнаш шонышо посна еҥ, организаций-влак илыме верлаштак улшо лесничествылаш шке гыч лектын кертыт. Йошкар-Олаште илыше-влак Марий Элын Пӱртӱс поянлык, экологий да йырым-йырысе средам аралыме министерствыш тыгай телефон дене лекшаш улыт: 42-16-58, 42-04-90. Тушто кунам, могай лесничествыш кайыме нерген рашемдат. Но чодырам шындыме верыш садак шке транспорт дене кайыман. Пырля икшыве-шамычымат налаш лиеш.
С.Носова.
