ПӰСӦ ЙОДЫШ

Тӱҥ уремым шотыш кондат

«Лӱдыкшыдымӧ да качестван автомобиль корно» национальный проект дене келшышын, тений Медведево посёлкышто уремым, общественный кумдыкым да кудывечым тӱзатыме паша умбакыже шуйна.

Тений посёлкышто ик тӱҥ Советский уремым (Йошкар-Ола – Козьмодемянск кугорно гыч тӱҥалын, Комсомольский урем ден ушнымо марте) Суворов, Горький уремым олмыкташ тӱҥалыт гын, вес ийын Ленин, Гагарин верысе значениян уремлам шотыш кондаш шонат.

Тылеч посна вес нацпроектым илышыш пуртен, районышто чот тоштемше да аварийныйлан шотлалтше шуко пачеран куд пӧрт (Медведевыште – 1, Знаменский посёлкышто – 3, Куярыште – 1, Кожласолаште – 1) гыч 80 еҥым сай условиян вес верыш илаш кусараш тӱҥалыт.

Р.Чепакова ямдылен.

Опубликовать в Одноклассники

Добавить комментарий