УВЕР ЙОГЫН

Тӱҥжӧ — лӱдыкшыдымылык

Россий Федерацийысе корнылаште лӱдыкшыдымылыкым ыштыме, корным чоҥымо, икмыняр моло нерген РФ-ште региональный вияҥмаш шотышто правительственный комиссийын президиумжын заседанийыштыже мутланеныт. Видеоконференцкыл йӧн дене тудым Россий правительстве председатель Марат Хуснуллин эртарен.

Марий Элыште эртыше 10 тылзе жапыште ДТП лийме, тушто эмганыше ден колышо-влакын чотышт шагалемме палдырна. 1 ноябрьлан налмаште, федеральный, республиканский да верысе значениян корнылаште 562 ДТП ышталтын. Тидыже ӱмашсе тыгаяк жап дене таҥастарымаште 22,8 %-лан шагалрак. Корно туткарыште 773 еҥ сусырген. Тиде чотат ӱмашсе тыгаяк жап дене таҥастарымаште 23,7 %-лан шагалрак. ДТП-ште 57 еҥын ӱмыржӧ кӱрылтын. Кодшо ийын тыгай жаплан ты цифр 16,2 %-лан кугурак улмаш.

Автомобиль корнылаште ДТП-м шагалемдаш, кудалышташ лӱдыкшыдымӧ лийже манын, 27 объектыште тыгай сынан пашам мучашлыме. Р-176 «Вятка» Чебоксар – Йошкар-Ола – Киров – Сыктывкар, А-295 М-7 «Волга» Йошкар-Ола – Зеленодольск федеральный кугорнылаште корно знак-шамычым вреҥденыт, тыгак разметкым ыштеныт.

Фотовидеофиксаций комплекс-влакым автомобиль корнылаште ДТП кушто шуко лиймым да лӱдыкшӧ участкылам шотыш налын вераҥденыт. Нине комплекс могай верыште лийыныт гын, 2017-2019 ийласе жап дене таҥастарымаште, 2019-2020 ийлаште тушто корно движений правилым пудыртымаш кум пачашлан шагалемын.

Нормативный йодмаш дене келшышын, тений 170 км автомобиль корным шотыш кондышаш улыт.

Ушештарена: «Лӱдыкшыдымӧ да сай качестван автомобиль корно» национальный проект дене келшышын, Марий Эл кум региональный проектым илышыш шыҥдара – тиде «Общесистемные меры развития дорожного хозяйства», «Безопасность дорожного движения» да «Дорожная сеть». Нуно 2019-2024 ийлаште шукталтыт.

 

Марий Эл Республикым вуйлатышын организаций да

аналитике виктемжын уверже-влак негызеш

Л.КАМАЛЕТДИНОВА ямдылен

Опубликовать в Одноклассники

Добавить комментарий