Калык йӱклымашым иктешлыме деч вара, «Кызытсе жаплан келшыше оласе средам ыштымаш» нацпроект дене келшышын, тений Йошкар-Ола кумдыкышто шым общественный верым тӱзаташ палемдыме.
Кодшо кечылаште эртыше электрон аукцион деч вара тӱзатыме пашам тӱҥалаш конкурсышто сеҥыше подряд организаций-влак рашемыныт. Тыге «Строй-Снаб 12» ООО компаний Ю.М.Свирин лӱмеш скверым да тудын воктенысе Суворов уремыште йолын коштмо кумдыкым (Герцен урем гыч Машиностроитель урем марте) да тыгак Рябинин уремым (Ленинский проспект гыч Суворов урем марте) тӱзаташ тӱҥалеш.
Машиностроитель уремын мужырдымо чотан пӧрт-влак верланыме велым (Суворов урем гыч Бауман урем марте) «Трейд-Авто» ТК ООО тӱзаташ тӱҥалеш.
Келшымаш бульварыште ( 30-шо №-ан школ гыч Транспортный урем марте) йолын коштмо кумдыкым «Виктория» чоҥышо организаций шотыш кондышаш.
Подольский курсант-влак уремым – 18-ше №-ан школ воктене («Магнит кевыт гыч Келышмаш урем марте) «Автотрансстрой» ООО, а Красноармейский уремым (Машиностроитель урем гыч Транспортый урем марте) «Тиса» ООО тӧрлатен шуктышаш.
Зарубин уремын мужырдымо чотан пӧрт-влак верланыме велым (Первомайский гыч Машиностроитель урем марте) – «Город» МУП электрон аукционышто сеҥен налын.
Кажне посна кумдыкым тӱзаташ проектно-сметный документаций ден технический заданийым ямдылен шуктымо. Подрядчик-шамыч 10 май деч вара сентябрь мучаш марте тӱзатен шуктышаш улыт.
Р.ЧЕПАКОВА
