22-24 июньышто Удмурт Республикын рӱдолаштыже финн-угор калык-влакын «Воршуд» фестивальышт эрта.
Тений тудо кандашымше гана Российын турлӧ регионжо гыч родо-тукым калыкым иквереш уша. Марий Эл Республикын чапшым аралаш Шернур район гыч калык коллектив лӱмым нумалше «Пеледыш» ансамбль кая. Ты коллектив марий калыкын йӱлажым, тӱвыражым аралымашке, тудым вияҥдымашке кугу надырым пышта. Тидлан кӧра тудо экспедицийыш лектеш, тошто муро, такмак да молым погат, шымлат да нуным шке репертуарышкышт пуртат.
А.Байкова.
