30 апрельыште Сеҥымашын XXX идалыкше лӱмеш тӱвыра полатыште «Изи пеледыш» йоча фольклор ансамбль 25 ияш лӱмгечыжлан пӧлеклалтше концертым эртара.
Тудым Россий Федерацийысе общий образованийын почётан пашаеҥже Наталия Морозова вуйлата. Ты коллектив 1993 ий годсек калыкым куандара. 2003 ийыште тудо «Образцовый йоча ансамбль», а 2014 ийыште «Россий Федерацийын образцовый йоча коллективше» лӱм дене палемдалтын.
Ансамбльын участникше-влак шке куштымашышт гоч калык йӱлам, тӱвырам почын ончыктат.
А.Байкова
