УВЕР ЙОГЫН

Тыршышым награде огеш вучыкто

Йошкар-Оласе 1-ше №-ан медсанчастьын кугурак операционный медсестраже Наталья Федяева «Операционный паша, стерилизаций – кӱлешан практике-влак» всероссийский профессиональный конкурсын «Операционный медсестра-шамычын эн сай практикышт» номинацийыштыже кокымшо верым сеҥен налын.
Наталья Николаевна 1-ше №-ан медсанчастьын гинекологический отделенийышкыже 1991 ийыште Йошкар-Оласе медицине училищым тунем пытарымыж деч вара пашам ышташ толын. Вич ий гыч специализацийым эртен да опреблокышто операционный медсестралан ышташ тӱҥалын.
Шкенжым квалифицироватлыме специалист семын ончыктен. 2002 ийыште республиканский профессиональный мастарлык конкурсышто финалыш лектын, 2010 ийыште операционный медсестра-влакын республикансий конкурсыштышт кумшо верыш лектын.
Тудо Операционный медсестра-влакын ассоциацийышкышт республикыштына ик эн ончыч пурен, а вара – Марий Элысе кокла медицине пашаеҥ-шамычын ассоциацийышкыштат. Кызыт операционный медсестра-влакын секцийыштым вуйлата. Кӱкшӧ категориян специалист.

М.ИВАНОВА

Опубликовать в Одноклассники

Добавить комментарий