УВЕР ЙОГЫН

Конкурс: Эн сай видепрезентаций

Козьмодемьянск олаште верланыше «На Успенской» чайный нерген каласкалыше видеопрезентацийым Юл кундем федерал округышто «Российын дивожо-2018» V турист видепрезентаций фестиваль-конкурсышто  «Историко- архитектур, религий шӱлышан объект да тоштер» номинацийыште эн сайлан шотленыт. 

Но сеҥыше семын палемдалтше моло проект-влакат улыт. Мутлан, кумшо вер дене «Кумдык дене палдарымаш (регион, район, ола)» номинацийыште «Оршанкым ончал савырнена» презентаций палемдалтын. «Турист маршрут да экскурсий» номинацийыште «Сӱан пуламыр» театрализоватлыме представлений» кокымышо верыш лектын.  А теве «Легенде, миф да преданий-влак» номинацийыште «Кундемым ончал савырнена, Чембулат князь нерген легенде» презентаций кумшо верыш лектын.

Юл кундем округышто жюрилан аклаш чылаже 152 проект темлалтын. Икымше верыш лекше-влак шке пашаштым 28 майыште Москваште, а 29 майыште Димитров олаште ончыкташ тӱҥалыт.

С.Носова.

Опубликовать в Одноклассники

Добавить комментарий