27 февральыште Марий кугыжаныш университетыште школышто тунемше-влаклан этнокультур предмет-шамыч дене республиканский олимпиаде эртен, а эрлашымже тушто сеҥышыш лекше-влак шинчымашыштым марий йылме да литератур дене регион кокласе таҥасымаште тергеныт.
Республик кӱкшытыштӧ
Тений тушко 9-11 класслаште тунемше 139 еҥ погынен. Нуно чыланат таҥасымашын марий (шочмо) йылме, марий литератур, марий (кугыжаныш) йылме, ИКН дене муниципальный этапыштыже сеҥеныт. Участник-влакым Марий Эл образований да науко министрын алмаштышыже А.Иванов, тӱвыра, печать да калык-влакын пашашт шотышто министрын алмаштышыже Г.Ширяева саламленыт да сеҥымашым тыланеныт.
Ты кечын сеҥышын дипломжо дене палемдалтыныт:
Марий (шочмо) йылме:
9 класс – С.Быкова (Волжский район, Карай школ);
10 класс – А.Морозова (Советский район, Ӱшнур школ);
11 класс – А.Дмитриева (Морко район, Унчо школ).
Марий литератур:
9 класс – А.Арсланова (Морко район, Унчо школ);
10 класс – В.Кушакова (Советский район, Ӱшнур школ);
11 класс – Д.Фёдоров (Советский район, Ӱшнур школ).
Марий (кугыжаныш) йылме:
9 класс – В.Соловьёва (У Торъял школ);
10 класс – Е.Лесникова (Волжскысо 4-ше №-ан школ);
11 класс – В.Мамаева (Кужэҥер район Йӱледӱр школ).
ИКН:
9 класс – А.Виногоров (Советский посёлкысо 3-шо №-ан школ);
10 класс – А.Тришков (Звениговысо 1-ше №-ан школ);
11 класс – К.Никифорова (Морко район, Нурӱмбал школ).
Регион кокласе
Ты гана тушто 16 участник лийын: Марий Эл гыч – 6, а молыжо Башкортостан да Татарстан республикла, тыгак Свердловск область гыч. Ӱдыр-рвезе-влакым Марий Эл образований да науко министр Н.Адамова саламлен, поро мутым ойлен.
Сеҥышыш лектыныт:
Марий йылме:
9 класс – Ю.Исаева (Татарстан республик, Агрыз район, Буймо школ);
10 класс – А.Морозова (Советский район, Ӱшнур школ);
11 класс – А.Дмитриева (Морко район, Унчо школ).
Марий литератур:
9 класс – А.Арсланова (Морко район, Унчо школ);
10 класс – В.Кушакова (Советский район, Ӱшнур школ);
11 класс – Д.Дедюхина (Татарстан республик, Агрыз район, Буймо школ).
Г.Кожевникова
Авторын фотожо.