УВЕР ЙОГЫН

Турист ден пассажир-шамычлан

Российыште «Лӱдыкшыдымӧ туризм» программым илышыш пуртымо кышкарыште турист ден пассажир-влаклан полшымо «шокшо линий» пашам ышташ тӱҥалын.
Тидын дене келшышын, туризм дене кылдалтше чыла йодышым кажне кечын 10 гыч 18 шагат марте 8-800-250-68-60 телефон дене стационар да мобильный номерла гыч чылт яра рашемдаш лиеш.
«Шокшо линий» полшымо дене граждан-влак турист ден пассажир-шамычын правашт, нуным аралыше орган-влак нерген пален налын, турфирме ден перевозчиклан вуйым шийын кертыт.
Турист да транспорт услуго дене пайдаланыше-влак потребительын праважым аралыме йодыш дене Роспотребнадзорын Марий Элысе виктемышкыжат кажне паша кечын 10 гыч 17 шагат йотке 8-800-707-61-77, 8 (8362) 68-19-44 номеран телефон дене йыҥгыртен кертыт. Консультацийым Марий Эл Республикысе Гигиене да эпидемиологий рӱдер (8-800-707-61-05; 8 (8362) 45-19-33 – 10 гыч 16 шагат марте) ден Роспотребнадзорын Консультацийым пуымо единый рӱдержат (8-800-555-49-43 – сутка мучко) пуат.

М.ИВАНОВА

Опубликовать в Одноклассники

Добавить комментарий