2 ноябрьыште У Торъялысе тӱвыра да каныме рӱдерыште тыгай лӱман марий калык муро районысо конкурс эртен.
Тушко клуб ден тӱвыра пӧрт-влак пелен чумырымо ансамбль ден солист-влак ушненыт.
Посна мурышо-влак коклаште икымше верым Анатолий Лихачев
(Токтарсола СДК) сеҥен налын. Кокымшо верыште – Ольга Рябинина (У Торъял тӱвыра да каныме рӱдер пеленсе «Торъял кундем» фольклор ансамбльын солисткыже). Кумшо верыш Зоя Демидова (Чӱксола СДК пеленсе «Ош куэ» вокальный ансамбльын вуйлатышыже) лектын. Посна приз дене Эльвира Соловьева (Кузнеч СДК пеленсе «Келшымаш» фольклор ансамбльын солисткыже) палемдалтын.
Ансамбль-влак коклаште икымше верыш «Торъял кундем», кокымшыш – «Ош ломбер» (Кугу Лумарий СДК), кумшыш «Келшымаш» коллектив-влак лектыныт. Посна приз дене «Ош куэ» ансамбль палемдалтын.
Л.Камалетдинова.
