Энергетике

Терген, ойым пуэн, аклен

Тула областьыш миен коштшыжла, «Рӱдӧ Россеть» ден «Рӱдӧ да Юл кундем Россетьын» генеральный директорышт Игорь Маковский Ясногорский РЭС-ыште лийын.

РЭС-ын производство базыштыже Игорь Маковский паша условийын, автомобиль ден спецтехникын могай улмыштым, аварий жаплан материал ден оборудованийым шапашлымым терген. РЭС ден «Тулэнергон» вуйлатышышт дене мутланыме годым тудо филиалын электросеть объектлажым нормативлан келшышыш шуктымо шотышто раш ойым пуэн. Социально кӱлешан тӧнеж (учреждений) ден предприятий-влаклан энергийым пуэн шогымо ӱшанлыкым кугемдымылан посна тӱткышым ойырен.

2021 ийыште регионышто тӱрлӧ куатан 3900 утла километр электролиний ден 1251 трансформатор подстанцийым олмыктышаш, тыгак 2415 электромеҥгым алмаштышаш улыт. Тылеч посна тӱрлӧ куатан 424 километр у электролинийым да 40 мегавольт-ампер трансформатор куатым пашаш колташ палемдалтеш. Чыла тидыже сетьлаште технологий кӱрылтышым шагалемдаш да регионышто илыш условийым саемдаш мыняр-гынат полша, палемден «Рӱдӧ Россеть» ден «Рӱдӧ да Юл кундем Россетьын» вуйлатышыт.

Ю.ИСАКОВ

Опубликовать в Одноклассники

Добавить комментарий