УВЕР ЙОГЫН

Темле, пашам ыште, лектышым ончыкто

Марий Элын Тӱвыра, печать да калык-влакын пашашт шотышто министерствыжын увертарымыж почеш, «У проект-влаклан корным почмо стратегический тӱҥалтышым ыштыше агентстве» коммерческий огыл автономный организаций (умбакыже – Агентстве) «Кугурак тукымлан полшымо» тематике дене «Социальный аланым вияҥдыше 100 лидер» инициативе кышкарыште проект-шамычым ойырен налаш тӱҥалеш.

Целевой отбор кышкарыште эн ончыч шотыш налме направлений-шамычым палемдыме:

  • граждан-влакым таза илыш-йӱлалан кумылаҥдыме системым;
  • профессийлан угыч туныктымым да навигацийым;
  • ешартыш шинчымашым;
  • ший волонтёрствым;
  • тукым-влак кокласе кылым вияҥдымым;
  • экономике пашаш илалше еҥ-влакым ушымым;
  • социальный чолгалыкым.

Программыш ушнаш шонышо-влаклан социальный эффектым пеҥгыдемдыше проект-влакым пуыман. Тудо илышыш пурташ тӱҥалме да кадр, тыгак ресурс базе дене ситарыме лийшаш. Проектым ойырен налме ик тӱҥ йодмаш кокла гыч эше иктыже – системный эффект да проектын лектышыже.

«Социальный аланым вияҥдыше 100 лидер» проектыште участвоватлыме нерген йодмашым Агентствын https://asi.ru/projects/submit_a_project офциальный сайтышкыже колтыман.

Эн оҥай проект-шамычлан Агентстве полшаш да корным кумдаҥдаш ямде. Лидер-влак акселерацийым эртен, проектым умбакыже вияҥдыме шотышто эксперт-влакын ой-каҥашыштым, тыгак вӱдышӧ эксперт-влак деч наставничествым, тиражироватлыме да кугемдыме, тӱрлӧ кӱкшытан административный чаракым кораҥдыме шотышто полышым налын кертыт.

Йодмашым 2019 ий 17 май йотке пуаш лиеш.

Целевой отбор шотышто лекше чыла йодышым Агентствын «Социальный проект-влак» департаментшын вуйлатышыжым алмаштыше Михаил Истомин (e-mail: ms.istomin@asi.ru, тел.: 8 (495) 690-91-29 (246 еш.), 89258041636) дене рашемдыман.

М.ИВАНОВА   

Опубликовать в Одноклассники

Добавить комментарий