Российысе закон-влаклан ваштареш кайыше сайт-влакым чынжымак блокироватлат мо?
Е.Михеев.
Йошкар-Ола.
Йодышлан Медведево районысо прокурорын исполнительный полышкалышыже О.Бахтина вашештен:
— Икшыве-влакым закондымо ошкылым ышташ таратыше уверым пуышо сайт-влакым закон почеш блокироватлат. Тидын шотышто «Икшыве-влакым нунын тазалыкыштлан да вияҥмыштлан эҥгекым ыштыше информаций деч аралыме нерген» (2010 ий) да «Увер, увер технологий да уверым аралымаш нерген» (2006 ий) Федерал законлаш 2018 ий декабрьыште вашталтышым пуртеныт. Икымше законыштыжо ончыкталтын: чарыме сайт реестрыш тугай ресурс-влакым пуртат, кудышт ийготыш шудымо, тыгак моло лица-влакым, нунын илышыштлан, тазалыкышытлан эҥгекым ыштен кертме противоправный ошкылан кумылаҥдат. А вес законжо почеш, тыгай увержым Роскомнадзор пален налеш гын, ончычсо семын сутка жапыште огыл, вигак блокироватлен кертеш. Сайтын озаже шке лаштыкшым кораҥдышаш. Тидым ышташ тореш лиеш гын, провайдер Интернет сетьыш пураш чаракым ыштышаш.
С.НОСОВА
