УВЕР ЙОГЫН

Социальный страхований фонд: Автомашинам чылт яра пуэныт

11 декабрьыште Социальный страхований фондын Марий Элысе пӧлкаштыже эҥертыме-тарванылме аппаратым чот сусыртымылан кӧра медицине показаний велым специальный транспорт средствылан тӱнен илыше граждан-влаклан автомашина сравочым торжественно кучыктеныт. 

У автомашина оза-влакым Марий Элыште Тӱҥ федеральный инспектор П.Журавлёв, Медико-социальный экспертизе тӱҥ бюром вуйлатыше-медико-социальный эспертизе шотышто тӱҥ эксперт Г.Мозайло, «Инвалид-влакын всероссийский обществышт» общероссийский мер организацийын Марий республикысе организацийжын председательже, Общероссийский калык фронтын Марий Элысе пӧлкажын региональный штабшын сопредседательже Н.Богомолова, «Диал-Авто» ООО-н генеральный директоржо А.Родионова шокшын саламленыт. Автомашина сравочым Социальный страхований фондын регионысо пӧлкажым вуйлатыше А.Щитов кучыктен.

Тыгеракын, Медведево, Курыкмарий, Звенигово, Оршанке, Параньга, Килемар районлаште, Волжск олаште да Йошкар-Олаште илыше 14 инвалид у автомашинан лийыныт. Чыла транспорт средствым Социальный страхований фондын Марий Элысе пӧлкаже да «Диал-Авто» ООО коклаште ыштыме кугыжаныш контрактын условийже негызеш ямдылыме да налме. Lada Granta маркан чыла автомобильыш ончыкылык озан мом ыштен кертмыжлан келыштарыме модифицироватлыме оборудованийым шыҥдарыме.

Производствышто азапыш логалмылан кӧра инвалидыш савырныше-влаклан специальный транспорт средствым 1998 ий 24 июльышто «Производствышто азап лийме да профессиональный чер деч обязательный социальный страхований нерген» федеральный законым лукмо деч вара ойыраш тӱҥалме. Специальный автотранспорт шым ийлан пуалтеш. Ты жапыште Социальный страхований фонд автомашинам идалык еда олмыктымылан да йӱлымӧ-шӱрымӧ материаллан кучылтмо роскотын ужашыжым, тыгак капитальный ик ремонтлан автотранспортын чумыр акше гыч 30 процентшым пӧртылта.

2001-2017 ийлаште Социальный страхований фондын Марий Элысе пӧлкаже инвалид-влаклан шуэн вашлиялтше конфигурациян 179 автомашинам ойырен. Ончычшо граждан-шамыч «Ока» маркан автомашинам налыныт, вара «ВАЗ-2105» маркан автомашинам ойыраш тӱҥалыныт, а 2013 ий гыч палынак йӧнан Lada Granta маркан автомашинам пуаш ыштеныт.

М.ИВАНОВА.

Опубликовать в Одноклассники

Добавить комментарий