СПОРТ

Сеҥыше – Шем теҥыз воктеке

Эртыше кечылаште Йошкар-Олаште «Дружба» стадионышто республик кӱкшытан черетан президент спорт состязаний лийын.

Программе почеш кандашымше классыште тунемше-шамыч мастар, писе, чолга, пӱсӧ уш-акылан улмыштым ончыктеныт. Участник-влак спорт многоборьеште (тест-влак), усталык да теорий конкурслаште, эстафетыште таҥасеныт.

Икымше верыш Волжский районысо Пӧтъял кыдалаш школын командыже лектын. Тунемше-шамыч эстафетыште, многоборьеште икымше, теорийыште кокымшо, творческий конкурсышто визымше лийыныт. Тыге ты школын ӱдыр-рвезышт сентябрьыште Анапа олаште, Шем теҥыз воктене, Россий кӱкшытан президент спорт модмаште Марий Элын чапшым аралаш тӱҥалыт. Нунылан сай кеҥеж канышым, куандарыше результатым тыланена!

Кокымшо верым Провой кундем гыч Кужмарий школ налын гын, бронзо призёр – Советский районысо Вечын школын командыже.

Е.Эшкинина.

Снимкыште: Сеҥыше Пӧтъял команде.

Опубликовать в Одноклассники

Добавить комментарий