Тений «Марий йылмым эн сайын туныктышо-2018» республикысе конкурсышто сеҥыше Ирина Вячеславовна Закиева кундемнан чапшым «Шочмо йылмым, нунын коклаште руш йылмымат, туныктышо-влакын Всероссийский мастер-классышт» профмастерство конкурсышто арала. Тудын верч 5 ноябрь марте http://vmk-konkurs.ru/node/10 интернет ссылке дене йӱклаш лиеш. Тыгак урокшын видеоужашыжым ончен, комментарийым коден кертыда. Тылеч посна тиде интернет адрес денак И.Закиеван ямдылыме эссежым, урокшын, класс шагатшын, урок деч варасе мероприятийын разработкыж дене палыме лияш йӧн уло.
Ме Ирина Вячеславовналан сеҥымашым да шке мастарлыкшым тичмашын почын ончыкташ тыланена!
Л.ШАБДАРОВА.
