ШКОЛ ЙОЛГОРНО

Самырык туныктышо: «Икшыве-влак мылам шулдырам пуат»

Уста туныктышо Оксана ИЛЬИНА дене тений шошым «Марий йылмым эн сайын туныктышо» республикысе конкурсышто палыме лийынна. Тудо йоча-влак дене кылым муын, нуным предметшылан шӱмаҥден моштымо дене ойыртемалтын. Сеҥышыш лектын огыл гынат, пашаж верч йӱлымыжӧ шижалтын. Тудын дене конкурс деч вара вашлийын мутланышна. 

— Оксана Николаевна, школышко шукерте огыл толында. Тӱҥалтыште нелылыкым шижын огыдал?

—  Мый Волжский район Карай ялыште шочынам, туштак тунемынам. Оршанке педколледжым тунем пытаренам, вара МарГУ-н педагогике ден психологий факультетшым тунем лектынам. Волжский район Мамасево школышто вызымше ий пашам ыштем, тений угыч икымше классым налынам. Йоча-влак дене пашам ышташ келша. Мылам нунын дене куштылго. Нунылан ака, йолташ лияш тыршем. Йоча коклаште кече мучко улам гынат, нойымым ом шиж. Нуно мылам вийым пуат, шулдыраҥдат. А туныктышо лияш изинек шоненам, молан манаш гын тиде пашалан авам Надежда Дмитриевна шӱмаҥден. Тудо школышто 27 ий пашам ышта. А нелылыкым тӱҥалтыште шижынам гынат, тудым сеҥаш школ директор Надежда Анатольевна Ефимова полшен. Моло туныктышо-шамычат каҥашым пуэныт, сандене коллективыш писын ушненам. 

Кумданрак — «Марий Эл» газетын
2017 ий 24 октябрьыште лекше номерыштыже лудын кертыда.

 

Лидия ШАБДАРОВА.
М.Скобелевын фотожо.

Опубликовать в Одноклассники

Добавить комментарий