ОБРАЗОВАНИЙ

Самырык тукым ончылно – кугу ончыкылык

«Образований» национальный проектын «Россий Федерацийысе граждан-влаклан патриотизм воспитанийым пуымаш» федерал проектше почеш, Москвасе М.Горький лӱмеш тӱвыра да каныме рӱдӧ паркыште «Кугу перемене» всероссийский фестиваль эртен. Тушто Марий Эл гыч «Марий Элын кугу переменыже» республикысе штабын 12 чолга ӱдыр-рвезыже (снимкыште) лийын.

«Тиде – школышто тунемше-влаклан ӧрыктарыше платформо. Конкурс-влак кокла гыч шукыжым йоча-влак шкак шонен луктыныт да эртареныт. Кушкын толшо тукым ончылно – кугу ончыкылык, нунылан йӧным гына пуыман, а «Кугу перемене» фестиваль тидымак ышта», – «Марий Элыште кугу перемене» регионысо командын координаторжо Булат Юсупов палемден.

«Кугу перемене – конкурс гына огыл, а эн ончычак тиде – шкем ончыкташ да чолга йоча-влак дене иктеш ушнаш йӧн», – каласен мемнан командын чолга самырык еҥже Тимур Хабибуллин.

Фестивальыште Российын тӱрлӧ регионжо гыч йоча-влак гына огыл, ача-ава, туныктышо-наставник-шамыч лийыныт. Участник-влаклан элнан ик эн чапланыше продюсер рӱдерлаштыже (мутлан, «Голос», «Новая волна», «Детская Новая волна», Игорь Крутойын академийже да моло гайлан) шке талантым ончыкташ йӧным ыштыме.

Г.КОЖЕВНИКОВА

Опубликовать в Одноклассники

Добавить комментарий