УВЕР ЙОГЫН

Сайлымашым эртарымаште полшышо-влаклан Бабичын тауштымашыжым кучыктеныт

5 апрельыште Марий Эл Республикыште Тӱҥ федеральный инспектор Петр Журавлев исполнительный кучемын федеральный органже-влакын территориальный органлаштын вуйлатышышт дене черетан координационный  совещанийым эртарен.   

Мероприятийыште элнан Президентшым сайлымашым эртарымаште лӱдыкшыдымылыкым, законностьым да правопорядкым аралаш полшышо-влаклан Россий Президентын Юл кундем федерал округышто полномочный представительже Михаил Бабичын Тауштымашыжым кучыктеныт. Тудын дене Россий МЧС-ын Марий Элысе Тӱҥ управленийжын начальникше Александр  Малкин, Россий охранын федеральный службын Марий Элысе специальный кыл да увер рӱдер начальникше Алексей Шишанов да республикын кӧргӧ политике, верысе самоуправленийым вияҥдымаш да юстиций министрже Михаил Данилов  палемдалтыныт. Тауштымашан серышым тыгак Росгвардийын республикысе отдел начальникше Александр Бурдолан, министрын алмаштышыже — Марий Элын элкӧргӧ паша министерствыжын полиций начальникше Сергей Федоровичлан, Йошкар-Ола администраций вуйлатышын алмаштышыже Елена Яковлевалан кучыктеныт.

Совещанийыште федеральный структур вуйлатыше-влак республикыште Экологий идалык кузе эртымым иктешленыт. Пӱртӱсым аралыме шотышто Марий межрайонный прокурор Алексей Киселев сай экологий сӱрет улмо дене Марий Эл 10 регион коклашке пура манын палдарен. Экологий идалыкыште калыкын ты шотышто шинчымашыжым нӧлтымӧ паша кумдан эртаралтын. Тыгодым рашемдышаш йодыш-влакат эше кодыныт. Мутлан, пеҥгыде коммунальный шӱкшак шотышто регионысо оператор але мартеат пашам тӱҥалын огыл. Кок ТБО полигонын эксплуатацийлан лицензийышт уке. Республикысе эрыктыше ятыр сооруженийым уэмдаш да тӧрлаташ кӱлеш.

Республикын пӱртӱс поянлык, экологий да йырым-йырысе средам аралыме министрже Владимир Шутов палемден: 2017 ийыште шӱкшак кышкыме вер-влакым пытарыме шотышто Марий Эл эн сайын пашам ыштыше 10 регион коклаште лийын – кокымшо верыш лектын. Тыгак республик Юл кундемыште пӱртӱс эн сайын аралалт кодшо регион-влак радамыш пура.  

Л.Камалетдинова.

Опубликовать в Одноклассники

Добавить комментарий