СОЦИАЛ ИЛЫШ

Рӱдӧ кӱварыштат «тумыштат»

«Ола» муниципальный унитарный предприятийын увертарымыж почеш, корнысо лакылам олмыкташ тӱҥалме тургым тӱҥалтыш гыч март кыдал марте Йошкар-Оласе уремлаште 16,3 тонн велыме асфальтобетон вартышым шарыме.

Тиде жап гыч 101,5 кв. метр кумдык корным шотыш конден шуктымо. Велыме асфальтобетон вартыш дене Сеҥымаш бульварысе, К.Маркс уремысе, Герцен ден Суворов уремлаште савырныме оҥго тураште, Красноармейский ден Первомайский уремла ушнымаште, Вознесенский кӱварыште, Эшкинин уремыште келгемше лаке-шамычым «тумыштымо».

Лишыл жапыште Рӱдӧ кӱварыште лӱдыкшӧ лакылам олмыкташ палемдыме.

Р.Чепакова.

Опубликовать в Одноклассники

Добавить комментарий