УВЕР ЙОГЫН

Российыште электронный трудовой книжка-влак илышыш пурат

2020 ий гыч Российыште электронный трудовой книжка-влак илышыш пурат. Тидын нерген правительствын заседанийыштыже премьер-министр Дмитрий Медведев каласен.

Тыге еҥ-влакын паша корнышт нерген чыла уверым аралаш данный-влак базе ышталтеш. Тиде йӧн шояк документым ямдылыме, кадр паша шотышто моло ситыдымаш деч утлаш полшышаш.

— Электрон книжка илышыш йыжыҥын-йыжыҥын пурталташ тӱҥалеш. Пашам пуышо-влак кагаз трудовой книжка денат пайдаланат. Южо еҥ-влаклан тыгай йӧнат аралалт кодеш, — каласен премьер-министр. 

Компаний-шамыч документ-влакым Пенсий фондыш электрон йӧн дене 2020 ий 1 январь гыч пуаш тӱҥалыт. Тидым илышыш пуртымо шотышто чыла организационный да правовой йодыш шушаш 2019 ийыште рашемдалтшаш.

Л.Камалетдинова.

Опубликовать в Одноклассники

Добавить комментарий