Росреестрын Марий Элысе виктемже увертара: 2018 ий 1 мартыште «дачный амнистийын» але илыме шке пӧртлан правам простаҥдыме процедур дене регистрироватлыме жап эрта. Тылеч вара эксплуатацийыш колтыдымо пӧртым собственностьыш регистрироватлаш огеш лий. Тидымак шотыш налын, Росреестр шке пӧртым чоҥаш налме мланде участкын озаже-влаклан собственностьлан правам регистрироватлыме нерген йодмашым 1 март йотке пуаш темла.
Простаҥдыме регистрацийлан Росреестрыш кугыжаныш пошлине квитанцийым, оралтым чоҥаш разрешенийым, мланде участкылан оза улмым пеҥгыдемдыше документым да илыме верын технический планжым ямдылыман.
Йодмаш ден документым верласе шуко фунциян рӱдерыш, тыгак Росреестрын сайтыштыже электрон йӧн дене пуаш, почто дене колташ лиеш. 1 март йотке колтымо документым виктем тиде кече марте вийыште улшо правил почеш онча.
1 март деч вара собственностьлан правам регистрироватлышашлан илыме пӧртым эксплуатацийыш колтыман. Тидланже оралте верланыме кундемысе кучем органыш кайыман.
М.ИВАНОВА.
