Машиностроитель-влак, Рябинин уремла, Ленин проспект да Сеҥымаш бульвар дене авыралтше 77-ше кварталыште пужышалык але уэмден ыштышашлык ятыр пӧрт-влак верым налын шогат. Аварий лийын кертшаш 13 илыме пӧртым кораҥден (Сеҥымаш бульварыште 23, 25, 27, 29, 31, 33 номеран, Рябинин уремыште 14, 16, 18, 20, 22 номеран, Ленин проспектыште 64, 66 номеран), граждан-влакым у пачерыш илаш кусараш шуко пачеран пӧртым, еҥ-влак тӱшкан пайдаланыме объектлам чоҥаш тӱҥалыт. Кумдыкшо – 27 426 квадрат метр. Кызыт ойпидышым ыштыме шотышто аукционым увертарыме.
ххх
Воин-интернационалист-влак, Карл Либкнехт, Киров уремла да Ленин проспект коклаште верланыше «Театральный» микрорайоныштат тыгай пашам тӱҥалыт. Пеш тошто 4 пӧртым кораҥдат, тушто илыше-влакым вес илыме верлашке кусарен, 56 758 квадрат метр кумдыкышто шуко пачашан шуко пачеран пӧртлам нӧлташ тӱҥалыт. Нине пӧртлаште илыше-влак, пӧртсийлан ямдылалташ тӱҥалын кертыда.
Л.СЕМЕНОВА
