«Поро паша кок ӱмыран» маныт калыкыште. Чынжымак, поро пашам ыштыме нигунам огеш мондалт да сай шарнымашым веле кода.
Теве кодшо кечылаште Шернур посёлкышто илыше Илья Конаков шке матерскойыштыжо мастер-классым эртарен. Ты гана тудо нылымше гана йоча-влакым йырже чумырен.
— Шкенанат эргына кушкеш. Тудым изинекак кидпашалан туныктыман, — ойла Илья. — Адакшым эрге йоча чӧгытым, кучен, пудамат пудален моштышаш. Сандене тӱрлӧ мастер-классым эртараш шонен пыштыме. Тидын марте ме пугольмым, кожым ыштенна, тыгак пы пӱчкыш гыч панном ышташ тунемынна. А тиде гана ме кормушкым ямдыленна. Мастер-классыш лу наре икшыве толын. Йоча-влак ойлымем моткоч тӱткын колыштыныт, кажне ойым шотыш налыныт. А мастер-класс жапыште кайыклан пукшаш ыштыме пӧртыштым нуно мӧҥгышт наҥгаеныт да шкешт вераҥденыт.
А шошо велеш И.Конаков шырчык омартам ышташ туныкта. Тушкат ятыр икшыве ушна манын ӱшаныме шуэш.
Мастер-класс шотышто кумдарак уверым тиде адрес почеш ончалаш лиеш: https://vk.com/id241072694
А.БАЙКОВА