16 майыште Йошкар-Оласе «Юбилейный» спорт комплексыште всероссийский «Президент спорт модмаш» таҥасымашын региональный этапшым торжственно петыреныт.
Модмаш 15-16 майыште «Дружба» стадионышто (куштылго атлетике, эстафете), «Спартак» ФОК-ышто (ӱстембал теннис, шашке), «Йошкар-Ола» бассейныште (иймаш) эртен.
Ончыч ял ден селала гыч толшо команде-влакым посна тӱшка дене палемденыт. Тений нуным олаласе команде-влак дене иктӧр тергеныт. Сандене спортын южо видше дене ялысе участник-влаклан нелырак лийын. Поснак иймаште. Олаште илыше ӱдыр-рвезе-шамычлан тидын шотышто нимогай нелылык лийын огыл. Вет теле гоч бассейныште тренировкым эрташ йӧн уло. Эсогыл келшыше бассейным ойыраш лиеш. Сандене лач иймаште ял ден села гыч толшо-влак ятыр очком йомдареныт. Мутлан, Волжский районысо Сотнур кыдалаш школын командыже чыла вере ойыртемалтын, а иймаште ӱдыр-влак почеш кодыныт. Южышт эсогыл мучаш марте ийын шуктен огытыл. Эше ик проблеме: тунемше ок сите. Ял але селасе ик школ гыч 2005-2006 ийлаште шочшо 20 тунемшым (10 ӱдыр, 10 рвезе) муаш моткоч неле. Олаште гын эсогыл икмыняр класс гыч талыракшым, виянракшым, спорт секцийыш коштшо йочам ойыраш лиеш.
Тыге участник-влак кок кече писылыкышт, пӱсылыкышт, мастарлыкышт дене ойыртемалташ тыршеныт. Икымше верыш Йошкар-Ола гыч 1-ше №-ан школын командыже, кокымшыш Волжский районысо Сотнур кыдалаш школын ӱдыр-рвезыже-шамыч, кумшо верыш Звениговысо 1-ше №-ан школын командыж лектыныт.
Команде-влакын верышт:
| № | команде | куштылго атлетике | эстафете | ӱстембал теннис
|
шашке | иймаш | баскетбол | Очко | Вер | |||||
| ӱдырамаш | пӧръеҥ | ӱдырамаш | пӧръеҥ | пӧръеҥм | ӱдырамаш | см | пӧръеҥ | ӱдырамаш | ||||||
| 1 | Волжский район | 2 | 2 | 3 | 4 | 1 | 1 | 4 | 7 | 3 | 1 | 3 | 31 | 2 |
| 2 | Звениговорайон | 7 | 7 | 7 | 5 | 6 | 6 | 6 | 7 | 4 | 6 | 5 | 66 | 7 |
| 3 | Советский район | 5 | 5 | 6 | 3 | 3 | 3 | 5 | 7 | 6 | 5 | 7 | 55 | 5 |
| 4 | Йошкар-Ола | 1 | 1 | 1 | 7 | 2 | 2 | 1 | 1 | 1 | 2 | 2 | 21 | 1 |
| 5 | Шернур район | 3 | 3 | 2 | 1 | 4 | 4 | 2 | 3 | 5 | 4 | 4 | 35 | 3 |
| 6 | У Торъял
район |
6 | 6 | 4 | 2 | 7 | 7 | 7 | 7 | 7 | 3 | 6 | 62 | 6 |
| 7 | Волжск | 4 | 4 | 5 | 6 | 5 | 5 | 3 | 2 | 2 | 7 | 1 | 44 | 4 |
Е.Эшкинина
