Таче Юрино районысо Поляна фельдшер-акушер пунктышто «Порылыкым – ялыш» всероссийский акций эрта.
Козьмодемьянск межрайонный больницын врачше-влак: терапевт, гинеколог, педиатр – калыкын тазалыкшым тергат. Онкологий да шӱм-вӱргорно системе дене кылдалтше тӱрлӧ черым рашемдыме, тыгак нунын дене черланыме деч профилактикым эртарыме шот дене кумылан-влакын вӱргорно, шинча кӧргысӧ давленийыштым висат, тыгак вӱрысӧ холестеринын да сакырын кугытыштым рашемдат, ЭКГ йӧн дене шымлат, йодыштмашым эртарат да тазалыкым аралыме, пеҥгыдемдыме шотышто пайдале ой-каҥашым пуат.
Тылеч посна флюорограф да маммограф дене шыҥдарыме Куснылшо медицине комплекс пашам ышта.
Волонтёр-влак (медик студент-шамыч) тӱрлӧ чер деч профилактикым эртарыме, таза илыш-йӱлам кучымо шотышто мастер-классым ончыктат.
М.ИВАНОВА