Марий Эл Кугыжаныш Погын председатель Ю.Минаков деке тылзе еда эртарыме общественный приемыш толшо-влак чӱчкыдынак шкенышт дене кылдалтше йодышым веле огыл решатлаш полшаш йодыт, тыгак тӱшка калыкым тӱкышӧ проблемымат тарватат.
Ты гана кодшо кечылаште эртарыме приемыш рӱдолаште илыше-влак тӱшкан толыныт. Нунын пуымо шуко йодышышт Йошкар-Олам тӱзатыме дене кылдалтше лийын. Мутлан, 13-шо №-ан школ кундемыште корным да тротуарым кунам олмыктат? Карл Маркс уремысе 124-ше №-ан пӧрт кудывечым кунам тӱзаташ тӱҥалыт? Моло йодышат олаште илыше-шамычым шагал огыл азапландара. Нунын пуымо йодышым Юрий Александрович шотыш налын, кузе шукталтмым шкежак терген шогаш сӧрен.
А. Андреев
