УВЕР ЙОГЫН

Писынрак ямдылыман

Марий Эл вуйлатыше Александр Евстифеевын вуйлатымыж почеш 1 майыште правительстве пӧртыштӧ совещаний эртен. Тушто регионыштына национальный проект-влакым илышыш пуртымо йодыш-влакым каҥашеныт.

Тӱҥ докладым республикын промышленность, экономический вияҥмаш да торговльо министр Дмитрий Пугачев ыштен. Тудын ойлымыж почеш, региональный проект-влакым шукташ контракт-влакым кузе ыштымым эскераш арня еда мониторинг ден тергымаш эртаралтыт. Нине проектым илышыш пурташ 2020 ийлан тӱрлӧ источник гыч 8,8 млрд. теҥгем ойыраш палемдыме. Тений 40 социально кӱлешан объектым капитально чоҥымо шотышто паша ышталтеш.

«Здравоохранений» нацпроект кузе шукталтмым эскерыме нерген республикын здравоохранений министрже Марина Панькова каласкален. Тудын палдарымыж почеш, Марий Элыште 4 региональный проект илышыш шыҥдаралтеш — тиде «Борьба с сердечно-сосудистыми заболеваниями», «Борьба с онкологическими заболеваниями», «Развитие детского здравоохранения, включая создание современной инфраструктуры оказания медицинской помощи детям», «Создание единого цифрового контура в здравоохранении на основе единой государственной информационной системы в сфере здравоохранения (ЕГИСЗ)». Министрын ойлымыж почеш, чылаже 758,8 млн. теҥгелан медицинский оборудованийым налаш палемдалтеш.

ФАП-влакым чоҥымо нерген ойлаш гын, 17 гыч 9 объектшылан проект-смете документ-влак ямде улыт.

Марий Эл вуйлатыше Александр Евстифеев контрактым ыштыме шотышто пашам писештараш, оборудованийым вашкерак налаш кӱштен.

Республикын образований да науко министрже Наталья Адамова йочасад ден школ-влакым чоҥымо паша кузе шукталтме дене палдарен.

Нацпроект-влакын илышыш пурташ проект-смете документацийым ыштыме нерген республикын правительстве председательын икымше алмаштышыже Александр Сальников каласкален. Ойлымыж почеш, кызыт капитально чоҥаш 32 объектлан кӱлеш документ ямде. Эше 36 объектлан  документацийым 2020-2022 ийлаште ямдылаш да кугыжаныш экспертизым ышташ палемдалтеш.

Республик вуйлатыше Александр Евстифеев чыла объект-влак шотышто проект-смете документацийым ямдылыме пашам писештараш кӱштен.

Марий Эл Республикым вуйлатышын организаций да

аналитике виктемжын уверже-влак негызеш Л.КАМАЛЕТДИНОВА ямдылен

Опубликовать в Одноклассники

Добавить комментарий