УВЕР ЙОГЫН

Пий — сонарзын йолташыже

Оршанке районысо Кӧрдӧ ялыште сонарлык пийым ашныше-влакын регионысо таҥасымашышт эртен.

Тудым Марий Элысе Сонарзе да пийым кучышо-влакын ушемышт республикысе Пӱртӱс поянлык, экологий да йырым-йырысе средам аралыме шотышто министерстве дене пырля эртарен. Чылаже элнан индеш регионжо гыч сонарыш коштыктымо 105 пий ончыкталтын. Индеш команде да посна участник-шамычат таҥасеныт. Кажыныштыже мужыр да кок посна пий лийын.  Чемпион лӱмым Калуга ола гыч «Лайка-Тим» сеҥен налын (озаже -В.Алинкин). 2-шо верыш Чебоксар гыч «Черные береты» лектын (озаже — Е.Князев). Кумшо Татарстан гыч «Камский берег» лийын (озаже И.Габдуллин). Каласен кодыман, сеҥыше-шамычлан, спонсор-влакын полышыштлан эҥертен, сай пӧлекым ямдыленыт: маскам, кугу да изи ирсӧснам сонарлаш лицензийым кучыктеныт.

 Посна участник-влак коклаште сеҥышыш Калуга, Киров олала гыч пийым кондышо оза-влак лектыныт.

С.НОСОВА

 Фотом Сонарзе да пийым

кучышо-влак ушемын сайтше гыч налме

Опубликовать в Одноклассники

Добавить комментарий