УВЕР ЙОГЫН

Пел курым эртен

Тений Марий Элын Чодыра да сонар озанлык министерствыжым  ыштымылан 10 ий, а тудын организацийже-влаклан специалист-влакым ямдылыше Марий чодыра озанлык техникумлан  (2007 ий марте Марий лесотех школ лийын) 50 ий темын.

Чодыра озанлык техникум Йошкар-Оласе тунемме комбинат школ негызеш ышталтын. Тунам чодыра озанлык специалист-влакым республикылан веле огыл,  Юл кундем регион-влаклан гыч тӱҥалын, Сахалин область ден Дальний Восток марте ямдыленыт. 30 тӱрлӧ утла специальностьым пуэныт: чодырам йӧрыктышо, рамщик,  пум обрабатыватлыше станочник, тракторист,  электрогазосварщик, крановщик, стропальщик да тулеч молат. Илен-толын, тунемме заедений пелен сай тӱшкагудым, тунемме у корпусым нӧлтеныт. Нужъялыште тунемме у базым почыныт.

2007 ийыште, у статусым налмеке, техникум тӱҥ шотышто техникум республикылан кадрым ямдылаш тӱҥалын. У тунемме специальностьят лектын, тудо «чодыра да чодыра парк озанлык», «сад-парк да ландшафт чоҥымаш»  маналтеш. 50 ий пагытыште 63000 специалист шинчымашым налын лектын.

Тиде заведенийын лумгече пайремже шукерте огыл эртен. Чодыра да сонар озанлык министерствым вуйлатышын алмаштышыже Геннадий Шкавро торжественный мероприятийыште лийын да ойыртемалтше-влаклан ведомственный наградым кучыктен.

С.Носова.

Эркын, но ӱшанлын

Марий Элыште « Царь-град» турист- рекреаций кластерым ыштыме дене кылдалтше инвестиций проектым илышыш шыҥдарыме паша вийым налеш.

Тиде проект «Россий Федерацийыште кӧрго да эл деч ӧрдыжко лектын коштмо туризмым вияҥдымаш (2011 – 2018 ийла)»  федеральный целевой программыш пурталтын. Проект Йошкар-Олаште туризмым вияҥден колташ полшышаш. Турист-рекреаций комплексат пойдаралтшаш, услугат шукемшаш да саемшаш. Паша икмыняр направлений дене вияҥеш. Иктыже  -инфраструктурым саемдымаш. Автомобильный кугорно-влакым уэмдаш, канализационный насос станций ден коллекторым, тыгак унагудо ден развлекательный комплекс-влакым  чоҥаш палемдыме. А тидлан кугыжанышын, республикын да посна еҥ-влакын оксаштым кучылташ тӱҥалыт. Чылажат шонымо семын лиеш гын, туризм меман республикыште сайын вияҥ кайышаш. У паша верат лекшаш, парышат кушшаш.

С.Носова

Кӧ пайремым войзынеже?

В.Д.Поленов лӱмеш Российысе кугыжаныш калык творчестве пӧрт

«Российысе калык-влакын пайремышт — национальный колорит» фототворчестве конкурсым увертарен.

Тушко професссионал, тыглай любитель, фото-клуб, калык творчестве пӧртлаште ыштыше специалист-влак ушнен, кажне автор вич пашам колтен кертыт. Конкурс кок номинаций дене аклалтеш: ик фотографий але фотографий-влак серий. Сеҥыше-влакым Рссийысе калык творчестве пӧртын вӱдышӧ специалистше, лӱмло мастар да тӱвыра пашаеҥ-влак палемдат.

Пашам 30 сентябрь марте virgatit@mail.ru адресыш электорн йӧн дене колташ лиеш. Лекше йодышым 8 (495) 360-55-01 телефон дене рашемден кертыда. Конкурсын условийже дене творчестве пӧртын  www. rusfolk.ru сайтыштыже палыме лияш йӧн уло.

С.Носова

 

 

 

 

 

 

Опубликовать в Одноклассники