Марий Эл вуйлатыше Александр Евстифеев Россий Федерацийыште региональный вияҥмаш шотышто правительственный комиссийын президиумжын заседанийышкыже ушнен. Тиде селекторный совещанийым Россий правительстве председательын алмаштышыже Марат Хуснуллин эртарен.
Тушто у коронавирус инфекций шарлымым чарыме жапыште чоҥымо сферыште могай антикризисный мерым илышыш пуртымо дене кылдалтше йодыш-влакым каҥашеныт.
Национальный проект-влак почеш шуктымо чоҥымо паша Марий Элыште чарнен шогалын огыл. «Лӱдыкшыдымӧ да сай качестван автомобиль корно» нацпроект дене келшышын, Марий Элыште 3 региональный проект илышыш шыҥдаралтеш – тиде «Дорожная сеть», «Безопасность дорожного движения» да «Общесистемные меры развития дорожного хозяйства». Нине проект почеш пашам шукташ план-график дене келшышын 2561,3 млн. теҥгелан 34 контрактым ыштыме.
Федеральный адресный инвестиционный программе кышкарыште 7 объектым чоҥаш палемдалтеш. Тиде – Марий Турек районышто 2,4 км кужытан Дружино – Малые Нослы – Исмаил автомобиль корным; Кужэҥер районышто Коҥганур – Пекесола коклаште 1,9 км кужытым; Советский районышто Кугу почи‰га ялыш 1,9 км кужытан корным; Морко районышто Шап Унчо – Ямбатыр коклаште 4,9 км кужытан корным; Шернур районышто Кугу Торешкӱвар – Изи Торешкӱвар коклаште 0,3 км кужытым; Волжский районышто Йывансола – Курыкўмбал кокласе 1,8 км кужыт корным; Курыкмарий районышто Микрік – Петусола 1,1 км корным.
Марий Эл Республикым вуйлатышын организаций да
аналитике виктемжын уверже-влак негызеш Л.КАМАЛЕТДИНОВА ямдылен
