УВЕР ЙОГЫН

Пашаже нимучашдыме

2019 ий 23 янарьыште ДОСААФ-лан 92 ий темын.

Россий ДОСААФ – мер кугыжаныш организаций.  Тудо граждан ден военный обществе-влак кокласе кылым пеҥгыдемдаш полша. Самырык тукымым нравственно да физически тазаҥдымаште   кугу пашам шукта.

Оборонный обществе шке историйыштыже икмыняр гана лӱмжым вашталтен. Тыгодым тиде патырлык школым ятыр тӱжем еҥ эртен. Тачысе тукымат йӱлам умбакыже шуя. ДОСААФ школым эртыше-влак илышын тӱрлӧ аланыштыже сай кӱкшытыш шуыныт.

– ДОСААФ историй, патриотизм дене кылдалтше йӱлам арала. Самырык тукымым чын куштымаште, спортын авиационный да технический видшым, тыгак юнармий толкыным вияҥдымаште кугу пашам шукта. Призывник-влакым армийлан ямдылымаштат надырже нимучашдыме, –  манын палемден Россий президент В.Путин.

Россий ДОСААФ-ын Марий Элысе региональный отделенийже ты шотышто чолган пашам ышта: республикыште самырык тукымым шочмо элым, вер-шєрым йӧраташ кумылаҥда, спортын тӱрлӧ федераций, военно-патриотический клуб да моло мер организаций дене пеҥгыде кылым куча. Обороно министерствын тӱҥалтышыж дене таче кечын у толкын, юнармий толкын, илышыш шыҥдаралтеш.

 Тудын еҥже-влак мемориалым, обелискым арален кодымо шотышто тыршат, курымашлык тул воктене вахтым эртат, культур да спорт дене кылдалтше кугу мероприятийлаште волонтёр пашам шуктат.    

Е.Эшкинина.

Опубликовать в Одноклассники

Добавить комментарий