19 августышто 10.00 шагатлан М.Шкетан лӱмеш Марий национальный драме театрыште образований пашаеҥ-влакын Августысо форумышт почылтеш.
Кажне ийын у тунемме идалык вашеш эртаралтше черетан мероприятийын темыже тыгай лиеш: «Марий Эл Республикыште воспитаний системым вестӱрлемдымаш: ончыкылык да у йӧн-влак».
Конференцийыште пленарный заседаний да секций-шамыч пашам ышташ тӱҥалыт. Нуныжо ты гана тыгай лийыт: «Йоча-влаклан ешартыш образованийым пуымо системым вияҥдыме кызысе ӱжмаш ден тренд-влак», «Образований качествым аклаш вуйлатыме механизмым цифраным ыштымаш», «Муниципальный образований системыште проект менеджмент». Икымше секцийже республикысе Йоча да самырык-влакын усталык полатыштышт лиеш гын, молышт – Информаций технологий да образований качествым аклыме рӱдерыште.
Г.КОЖЕВНИКОВА