Марий Эл Тазалыкым аралыме министерствын 2020 ий 30 мартыште лукмо 732-шо №-ан кӱштымашыж дене келшышын, Шернур районысо рӱдӧ больницын ӱдырамаш консультацийже паша йӧнжым вашталтен.
Ынде йочам вучышо ӱдырамаш-влакым патронаж группо мӧҥгышкышт миен але телефон кутырен эскера. Приёмыш мияш але льготан препаратым налашлан рецепт кӱлеш гын, 8 (8362) 23-28-84 номеран телефон дене колл-рӱдерыш йыҥгырташ лиеш. Шкем начарын шижаш тӱҥалме годым эмлыше врачлан йыҥгыртыман але 112, 113 телефон дене «вашкеполыш» службым ӱжыктыман.
Тыгай йӧн дене пашам ыштыме режимыш республикысе моло медицине организацият кусненыт.
М.ИВАНОВА
