УВЕР ЙОГЫН

Оксана — кумшо

Шукерте огыл Брянск областьыште «Лесоруб-2020» чодырам руышо-влак коклаште VI чемпионат эртен.

Тушко Брянск областьысе чодырам руышо-влак деч посна Моско да Угарман областьла, Карелий, Марий Эл, Чуваший, Удмуртий республикыла гыч миеныт. Марий Элын чапшым Юл кундем технологический университетын тунемме-опытный участкыжын пашаеҥже-влак Сергей Иванов, Иван Харламов да Оксана Копейкина араленыт.

Тений икымше гана ӱдырамаш-шамычат таҥасеныт. Мо шонеда, ӱдырамаш зачетышто Оксана кумшо верыш лектын. Таҥасымашын почетан унаже Кугужаныш Думын депутатше Николай Валуев лийын. Мемнан таҥасыше-влак тудын дене пырля войзалтыныт. А сеҥыше-шамычлан дипломым, медальым да STIHL компаний деч пӧлекым кучыктеныт.

С.НОСОВА

Опубликовать в Одноклассники

Добавить комментарий