Филиал электроэнергийым колтен шогымо услугылан тӱлымӧ дебитор парымым кӱрын лукмо шотышто пашам радамлын шукта. Парыман организацийла деч тений гына суд гоч 5,8 миллион утла теҥгем налын кертме.
Тыгай результатышкыже «Рӱдӧ да Юл кундем Россеть Мариэнергон» представительже да Россий ФССП-н Марий Элысе управленийжын суд пристав-исполнительже-влакын пырля ыштен толмо пашаштлан кӧра шумо. Туге гынат икмыняр потребитель, судын пунчалже вийыш пурымым ончыде, парымым умбакыже куштен толеш. Кугурак парыман радамыште теве могай организаций-влак улыт:
– Козьмодемьянск оласе «Водоканал» МУП – 2016 ий ноябрь гыч тӱлышашыже 16,0 миллион теҥге;
– Йошкар-Оласе «Троллейбус транспорт» МП – пел ий жапыште гына 14,0 миллион теҥге парымже погынен;
– Морко районысо «Жилкомсервис» ООО – 2017 ий январь гыч тӱлышашыже 9,3 миллион теҥге;
– Марий Турек районысо «Водоканал» МУП – 2016 ий май гыч 8,2 миллион теҥге;
– Волжский районысо «Водоканал» МУП – ик ият пеле жапыште 6,5 миллион теҥге парымже погынен;
– «Морко ТеплоЭнергоСервис» ООО – ик ийыште кучылтмылан 1,2 миллион теҥге.
«Рӱдӧ да Юл кундем Россеть Мариэнергон» йодмашыж негызеш республикысе ик МУП-шо шотышто РФ УФССП РФ УК-н 31-ше статьяжын 2-шо ужашыж негызеш уголовный делам тарватен. Ты шотышто паша умбакыже шуйна.
Энергетик-влак чыла потребительлан парымым кӱчык жапыште шӧраш темлат да ушештарат: колтымо электровийлан тӱлыдымаш регионысо электросеть комплексын пашажлан чаракым ышта, а тидыже республикысе потребитель-влаклан электровийым колтен шогымаште уда велым палдырна.
Ю.ИСАКОВ
