Волжский районышто сарын кум ветеранжылан, «Мы вместе» всероссийский акций дене келшышын, Марий Эл вуйлатыше, районысо администраций деч шарнымашан пӧлекым пуэныт.
Волжский район вуйлатыше В.Сергеев, район администраций вуйлатыше Т.Ильина, Купсола ял шотан илем администрацийым вуйлатыше Х.Гаврилова, калыкым социально обслуживатлыше рӱдер вуйлатыше Г.Токманова сарын ветеранже-влакым, Яков Афанасьевым, Анастасия Дмитриевна Кошкинам, Николай Ильич Петровым, шокшын саламленыт.
Тидын деч ончыч ветеран-влаклан Российын президентше деч саламлымашан серыш ден «Победа» шарнымашан знакым кучыктеныт.
– Тыгак лишыл жапыште 65 ияш да тудын деч кугурак ийготан-влаклан, изирак пенсийым налше-шамычлан продукт полышым пуэна, – палемдыш Галина Токманова.
Е.ЭШКИНИНА
